ئىسرا ۋە مىراج مۆجىزىسى قۇددۇس شەرىپنىڭئاپتۇرى:نامەلۇم يوللىغۇچى:مەرىپەت مەنبەسى: ئىجادىيەت  يوللىغان ۋاقتى:2/3/2009 كۈرۈلدى:203قېتىم

ئىسرا ۋە مىراج مۆجىزىسى قۇددۇس شەرىپنىڭ ئىسلامدىكى كاتتا ئورنىنى تەكىتلەيدۇ

 

   ئىسرا ۋە مىراج  ئىككى قىبلىنىڭ ئەۋۋىلى، ئۈچ ھەرەمنىڭ ئۈچىنچىسى بولغان مەسجىدى ئەقسا ئىسلامدىكى ئورنىنىڭ ئالاھىدىلىكىنى تەكىتلەيدىغان بىرىنچى مەنبەدۇر، شۇنىڭدەك ئىسرا ۋە مىراج  ۋەقەلىرى ھەققىدىكى دىنى خىتاب بەيتۇلمەقدىسنىڭ ئىسلامى ھەققىنى تەكىتلەيدىغان كۈچلۈك پاكىت ھېسابلىنىدۇ. كۆپلىگەن دەۋەتچىلەر، تەشۋىقاتچىلار ئىسرا ۋە مىراج  مۆجىزىسىدىن  سۆز ئېچىشتىن توختاپ قالدى، بەيتۇلمەقدىس بىلەن بۇ مۆجىزىنىڭ ئوتتۇرىسىنى باغلاشتىن، شۇنىڭدەك بۇ مۆجىزە بىلەن بۇ مۇقەددەس شەھەرنى ئازات قىلىش ھەققىدىكى ئىسلام ئۈممىتىنىڭ مەسئۇلىيىتىنىڭ ئوتتۇرىسىنى باغلاشتىن غاپىل بولدى.

  

ئۆمەرىيە  دەۋرىدە خەلىپە ئۆمەر ئىيلىيا ئەھلىگە، ئۇلارنىڭ جانلىرى، مال - مۈلۈكلىرى، ئىبادەتخانىلىرى ئۈچۈن ئامانلىق بەرگەن.

   ئىككىنچى خەلىپە ئۆمەر بىن خەتتاب بەيتۇلمەقدىسكە كىرگەندىن كېيىن ئۇلۇغ تاشنىڭ ئورنىنى ئىزدىگەن، لېكىن قۇدۇسقا  قارايدىغان ئۇلارنىڭ دىنى رەھبىرى خەلىپە ئۆمەرنى ئەۋۋەل چىركاۋغا  باشلاپ بارغان، ھەزرىتى ئۆمەر چىركاۋنى كۆزدىن كەچۈرۈۋاتقاندا پەرز نامازنىڭ ۋاقتى كىرىپ قالغان، ھەزرىتى ئۆمەر كېيىنكى مۇسۇلمانلارنىڭ چىركاۋدا ناماز ئوقۇشى ئۈچۈن دەلىل بولۇپ قالماسلىقى ئۈچۈن چىركاۋنىڭ ئىچىدە ناماز ئوقۇشنى  رەت قىلىپ، ئۇنىڭ ئۇدۇلىدىكى يېقىن بىر ئورۇندا نامازئوقۇغان.

   خەلىپە ئۆمەر ئۇلۇغ  تاشنىڭ يېنىغا يىتىپ كەلگەندىن كېيىن ئۇنى ئۆز قولى بىلەن پاكىزلىغان، ئۇنىڭدىن كېيىن ھەرەم شەرىپتىكى مەيدانغا  مەسجىد سېلىشقا ئەمرى قىلغان، قۇدۇسنىڭ ھاكىملىقىغا ئەلقەمە بىن مەجزىرنى،  قازىلىقىغا ئوبادە بىن سامىتنى  تەيىنلىگەن.  قودۇستىكى ئىشلارنى تەرتىپكە  سېلىپ ئون كۈن تۇرغاندىن كېيىن بۇ شەھرىدىن ئايرىلغان. مانا بۇ بەيتۇلمەقدىس ئۈچۈن ئىسلامىي تارىخنىڭ باشلىنىشى ئىدى.

  

يۇقۇرىدا  دىيىلگەنلەر ئىسرا ۋە مىراج شەھىرى بولغان بەيتۇلمەقدىسنىڭ بەرىكەتلىرىدىندۇر. بەيتۇلمەقدىس ئون ئۈچ يىلدىن كۆپرەك موسۇلمانلارنىڭ بىرىنچى قىبلىسى بولغان، يەنى ھىجرىيىنىڭ ئون ئىككىنچى يىلىغىچىلىك (610- 623م) موسۇلمانلارنىڭ تۇنجى قىبلىسى بولغان. شۇ ۋاقىتتىن باشلاپ بەيتۇلمەقدىس ئىسلام ئۈممىتىنىڭ  قەلبىدىن ئالاھىدە ئورۇن ئالغان. بەيتۇلمەقدىس 1099-  يىلىدىن 1187 يىلىغىچىلىك خرىستىئانلارنىڭ  ئىشغالىيىتى ئاستىدا قالغان بولۇپ، سالاھىددىن ئەييۇبى ئۇنى خرىستىئانلارنىڭ ئىشغالىيىتىدىن ئازات قىلغان، ئۇنىڭدىن كېيىن 1967 يىلى بەيتۇلمەقدىس  يەنەئىسرائىلىيە ئىشغالىيىتى ئاستىدا قالغان بولۇپ، ئىشغالىيەتچى ئىسرائىلىيە بەيتۇل مەقدىسكە بېسىپ كىرگەندىن بويان بەيتۇلمەقدىس ناھايىتى خەتەر ئىچىدە قالغان.

   شەكسىزكى، ئىسرا ۋە مىراج مۆجىزىسى خاتىرىسى بۇ مۇقەددەس شەھەرنى زېمىن ۋە ھاۋا بوشلۇقى، ماددا ۋە روھ جەھەتتىن قورشاپ تۇرىدۇ. دىنى خىتاپنىڭ  مانا مۇشۇ تەرىقىدە  داۋام  قىلىشى ناھايىتى زۆرۈردۇر. بىز ئىسلام ئۈممىتى بۇ ئۇلۇغ مەسىلىنىڭ ئىگىسىمىز. ئىسلام ئۈممىتىنىڭ بۇ ھەقتىكى ئويغۇتىشتا  دىنى خىتاپنىڭ ئورنى ۋە مەسئۇلىيىتى ئىنتايىن ئېغىردۇر. ئىسلام ئۈممىتى مەسجىد ئەقسانى دۈشمەن يەھۇدىيلارنىڭ ئىشغالىيىتىدىن ئازات قىلىشتىن ئىبارەت مەسئۇلىيىتىنى بىر سكونتمۇ ئېسىدىن چىقارماسلىقى لازىم.